10 Painting Highest Price in Histrory ផ្ទាំងគំនូរទាំង១០ដែលបានដាក់លក់ក្នុងតម្លៃថ្លៃបំផុតក្នុងប្រវត្តិសាស្រ្ត

When Will You Marry

នៅពេលដែលពិភពលោកបានចាត់ទុកលោក ផាប់ប្លូ ពីកាសូ (Pablo Picasso) ជនជាតិ

អេស្បាញ់ ជាវិចិត្រករដែលមានទេពកោសល្យបំផុតនៃមនុស្សជាតិ ប៉ុន្តែគំនូរដែលជាស្នាដៃ របស់គាត់ដែលមានឈ្មោះថា Les Femmes d’Alger ​បានដាក់លក់ត្រឹមតម្លៃ179លានដុល្លារ ដែលស្ថិតក្នុងចំណាត់ថ្នាក់ទី៤ប៉ុណ្ណោះ។ ខាងក្រោមនេះជាផ្ទាំងគំនូរដែលបាន ដាក់លក់ក្នុងតម្លៃថ្លៃបំផុតទាំង១០នៃប្រវត្តិសាស្រ្ត៖

1. គំនូរ When Will You Marry តម្លៃ300លានដុល្លារ

ផ្ទាំងគំនូររបស់លោក Paul Gauguin ដែលជាជនជាតិបារាំងមួយផ្ទាំងនេះបានគូរក្នុងកំឡុងឆ្នាំ 1982 ស្តីអំពីស្ត្រីជនជាតិតាហ៊ីតាន់ពីរនាក់កំពុងអង្គុយលើវាលស្មៅ។ លោក Paul Gauguin បានផ្តួចផ្តើមគូរគំនូរនេះពេលគាត់បានធ្វើដំណើរភៀសខ្លួនជាលើកទីមួយទៅកាន់ប្រទេស តាហ៊ីទី Tahiti។ គំនូរនេះត្រូវបានទិញដោយជនជាតិស្វីសម្នាក់ក្នុងតម្លៃ300លានដុល្លារ    អាមេរិចកាលពីឆ្នាំ2015។

2.     ផ្ទាំងគំនូរ The Card Players តម្លៃ274លានដុល្លារ

ផ្ទាំងគំនូរ The Card Players (មនុស្សអង្គុយលេងបៀ) គឺជាផ្ទាំងគំនូរប្រេងគូរដោយលោក Paul Cézanne ជនជាតិបារាំង ក្នុងកំឡុងឆ្នាំ1890។ គំនូរមួយផ្ទាំងនេះធ្លាប់ជាគំនូរថ្លៃបំផុតកាលពី ឆ្នាំ2011 ដែលត្រូវបានទិញដោយរាជវង្សនៃប្រទេសកាតា Qatar ក្នុងតម្លៃ274លានដុល្លារ។

3.     ផ្ទាំងគំនូរ Violet, Green and Red តម្លៃ186លានដុល្លារ

ផ្ទាំងគំនូរ Violet, Green and Red ត្រូវបានទិញដោយ មហាសេដ្ឋីជនជាតិរុស្សីឈ្មោះDmitry Rybolovlev ក្នុងតម្លៃ១៨៦លានដុល្លារ។ គំនូរនេះគូរដោយលោក Mark Rothko ជនជាតិ អាមេរិចកាត់រុស្សីក្នុងកំឡុងឆ្នាំ១៩៥១។

4. ផ្ទាំងគំនូរ Les Femmes d’Alger (Version O) តម្លៃ១៧៩,៣លានដុល្លារ

លោក ពីកាស់សូ (Picasso) បានគូរគំនូរឈ្មោះ Les femmes d’Alger ដោយយកតាម រចនាបទបារាំងរបស់លោក Eugene Delacroix។  គំនូរនេះគូរក្នុងឆ្នាំ1934 ស្តីពីស្រ្តីម្នាក់ នៅក្នុងផ្ទះរបស់នាង។ គំនូរនេះត្រូវបានគូរដោយបន្ថែមសញ្ញាសូន្យ ដែលមានឈ្មោះថា  
Version O marks ដែលរហូតមកដល់ពេលនេះមានមនុស្សជាច្រើនបានងឿងឆ្ងល់ពីសញ្ញានេះ ហើយក៏គិតថាវាជាស្នាដៃដ៏មានពេទ្យកោសលបំផុតរបស់លោកពីកាស់សូ។ Les femmes d’Alger ត្រូវបានទិញដោយអតីតនាយករដ្ឋមន្រ្តីនៃប្រទេសកាតា Qatar ឈ្មោះ
 Hamad bin Jassim bin Jaber Al Thani កាលពីឆ្នាំ2013។

   

      5. ផ្ទាំងគំនូរ No 5, 1948 តម្លៃ 165.4 លានដុល្លារ

ផ្ទាំងគំនូរមានឈ្មោះ No 5, 1948 បណ្តោយ8ហ្វូត (2.44ម) និងទទឹង4ហ្វូត(1.22ម)ដែល ត្រូវបានគូរលើបន្ទះក្តារគៀបមួយប្រភេទ។ វាត្រូវបានគូរដោយវិចិត្រករអាមេរិចឈ្មោះ Jackson Pollock ក្នុងឆ្នាំ1948។ តម្លៃដែលលោក Jackson Pollock លក់ដំបូងសម្រាប់ផ្ទាំងគំនូរ នេះក្នុងឆ្នាំ1948 គឺត្រឹមតែ1,500ដុល្លារប៉ុណ្ណោះ តែតម្លៃរបស់វាត្រូវបានទិញពេលនេះ គឺរហូតដល់165.4លានដុល្លារ។

6.     ផ្ទាំងគំនូរ Woman III តម្លៃ162.4លានដុល្លារ

  ផ្ទាំងគំនូរនេះគូរដោយវិចិត្រករ Willem de Kooning ជនជាតិ ហុលឡុងដ៍កាត់ អាមេរិច ក្នុងឆ្នាំ1953។ រូបគំនូរនេះធ្លាប់ បានដាក់តាំងបង្ហាញនៅសារមន្ទីរ Tehran Museum of Contemporary Art collection និងត្រូវបានទិញក្នុងតម្លៃ162.4លានដុល្លារដោយលោក Steven A. Cohen កាលពីឆ្នាំ២០០៦។

7.     ផ្ទាំងគំនូរ Le Réve តម្លៃ158.5លានដុល្លារ

ផ្ទាំងគំនូរនេះគូរដោយវិចិត្រករ ផាប់ប្លូ ពីកាសូ (Pablo Picasso) ក្នុងឆ្នាំ1932 និងត្រូវបាន ទិញដោយលោក Steven A. Cohen ក្នុងឆ្នាំ2013ដែលមានតម្លៃ158.5លានដុល្លារ។

8.     ផ្ទាំងគំនូរ​ Portrait of Adele Block-Bauer I តម្លៃ158.4លានដុល្លារ

 

 

ផ្ទាំងគំនូរ​ Portrait of Adele Block-Bauer I ក៏ត្រូវបានគេ ឲ្យឈ្មោះថា "Woman in Gold" ត្រូវបានគូរដោយវិចិត្រករ ជនជាតិអូទ្រីសឈ្មោះ​  Gustav Klimt ក្នុងឆ្នាំ1907 និងត្រូវបាន លក់ឲ្យលោក Ronald Lauderក្នុងតម្លៃតម្លៃ158.4លានដុល្លារកាលពីឆ្នាំ2006។

9.     ផ្ទាំងគំនូរ Portrait of Dr Gachet តម្លៃ152.0លានដុល្លារ

ផ្ទាំងគំនូរ​ Portrait of Dr Gachet ត្រូវបានគូរដោយវិចិត្រករជនជាតិ ហុលឡុងដ៍ឈ្មោះ​  
 Vincent van Gogh ក្នុងឆ្នាំ1890 និងបានលក់ក្នុងតម្លៃ152.0 លានដុល្លារកាលពីឆ្នាំ1990។

10. ​ ផ្ទាំងគំនូរ Three studies of Lucian Freud តម្លៃ145.0លានដុល្លារ

ផ្ទាំងគំនូរ Three studies of Lucian Freud ​ ត្រូវបានគូរដោយវិចិត្រករជនជាតិអាយរីស(Irish) កើតក្នុងចក្រភពអង់គ្លេសឈ្មោះ​ Francis Bacon ក្នុងឆ្នាំ1969 និងបានលក់ក្នុងតម្លៃ 145.0លាន ដុល្លារកាលពីឆ្នាំ2013។

តើឪពុកម្តាយគួរធ្វើយ៉ាងណាពេលទារកកើតជំងឺផ្តាសាយ?

ទារកទើបនឹងកើតងាយនឹងកើតជំងឺផ្តាសាយណាស់ ពេលដែលទារកកណ្តាស់ តឹងច្រមុះ និង ហៀរសំបោគឺជារឿងមួយដែលពិបាក និងគួរឲ្យបារម្មណ៍បំផុតសម្រាប់ឪពុកម្តាយ ដូច្នេះ រឿងសំខាន់មួយដែលអាណាព្យាបាលត្រូវតែដឹងដើម្បីទប់ស្កាត់​រឺធ្វើឲ្យទារកបានធូស្រាលពី ជំងឺផ្តាសាយនេះគឺជាកត្តាសំខាន់បំផុត។

មូលហេតុដែលនាំឲ្យទារកកើតផ្តាសាយ

សរីរាង្គកាយរបស់ទារកទន់ខ្សោយណាស់ អង់ទីករការពារសារពាង្គកាយមិនទាន់មាន សមត្ថភាពពេញលេញក្នុងការទប់ស្កាត់វីរុស និងមេរោគដែលមាននៅក្នុងបរិស្ថានជុំវិញខ្លួន ទារកបានទេ។ មេរោគផ្តាសាយឆ្លងតាមខ្យល់ និងបរិយាកាសជុំវិញខ្លួនយើងនៅពេលដែល មានអ្នកជំងឺផ្តាសាយក្អករឺកណ្តាស់ និងអាចមាននៅតាមរបស់របរ ទីកន្លែងក្មេងលេង និងតាមរយៈក្មេងដទៃទៀត នៅពេលក្មេងចាប់ប៉ះវត្ថុទាំងអស់នោះរួចដាក់ចូលមាត់ពេលនោះ មេរោគនឹងឆ្លងទៅទារកបានយ៉ាងងាយ។

អាការៈមួយចំនួននៅពេលដែលក្មេងឆ្លងជំងឺផ្តាសាយ

-          តឹងច្រមុះ

-          ហៀសំបោ (មុនដំបូងពណ៏ថ្លា បន្ទាប់មកលឿង រឺបៃតង)

-          កណ្តាស់ញឹកញាប់

-          ក្អក

-          អាការៈមួម៉ៅ

-          អស់កម្លាំង

-          មិនសូវឃ្លាន

-          មិនដេក

-          ក្តៅខ្លួន

-          ក្អួត និងរាគរូស

ការព្យាបាល

តាមពិតផ្តាសាយមិនមែនជាជំងឺកាចសាហាវដែលអាចធ្វើឲ្យទារកមានគ្រោះថ្នាក់ដល់ជីវិតនោះទេ

(អាចប៉ះពាល់ខ្លាំងនៅពេលទារកអាយុក្រោម៣ខែ) វាអាចជាសៈស្បើយដោយខ្លួនឯង ក្នុងរយៈពេលពី៧ដល់១០ថ្ងៃ។ ជាធម្មតាគ្រូពេទ្យ ជំនាញនឹងមិនណែនាំឲ្យអាណាព្យាបាល ក្មេងដែលមានអាយុក្រោម៦ឆ្នាំទទួលការព្យាបាលដោយប្រើប្រាស់ថ្នាំពេទ្យ​ដែលមានសារ ធាតុខ្លាំងដូចជាអាស្ពីរីននោះទេ ផលិតផលថ្នាំពេទ្យមួយចំនួន អាចប៉ះពាល់ធ្ងន់ធ្ងរដល់ សុខភាពដ៏ទន់ខ្សោយរបស់ក្មេង ដូចនេះបើចង់ផ្តល់ថ្នាំដល់ទារកគួរតែមានការប្រឹក្សាជាមួយ ពេទ្យជំនាញឲ្យបានត្រឹមត្រូវ។ ខាងក្រោមនេះជាវិធីសាស្រ្តបែបសាមញ្ញ មួយចំនួនដែល អាចជួយលោកអ្នកបាន៖

-          បន្ថែមសារធាតុទឹកក្នុងខ្លួន ៖ សូមផ្តល់ការបំបៅដោះរឺទឹកដោះគោ ដល់ទារក(ក្រោម៦ខែ)។ សម្រាប់ទារកដែលមានអាយុលើស៦ខែលោកអ្នកអាចផ្តល់ទឹក និងទឹកផ្លែឈើឲ្យ បានញឹកញាប់ ការបន្ថែមសារធាតុរាវគឺជួយទប់ស្កាត់ការខ្វះសារធាតុរាវ ក្នុងខ្លួនរបស់ក្មេង និងជួយធ្វើឲ្យច្រមុះ និងមាត់ក្មេងមានសំណើមផងដែរ។

-          ប្រើស្ព្រាយបាញ់ច្រមុះ(មានសារធាតុទឹកអំបិល) រឺឧបករណ៍សុងច្រមុះទារក៖ ប្រសិនបើទារកពិបាកដកដង្ហើម រឺតឹងច្រមុះ លោកអ្នកអាចប្រើស្ព្រាយបាញ់ច្រមុះ(មាន សារធាតុទឹកអំបិល)ដែលមានលក់នៅលើទីផ្សារ សារធាតុទឹកអំបិលដែលមានក្នុង ស្ព្រាយបាញ់អាចធ្វើឲ្យកំណកសំបោះរលាយចេញ និងជួយឲ្យទារកដកដង្ហើមបាន ស្រួលឡើងវិញ។ ក្រោយប្រើហើយសូមលាងសំអាតស្រ្ពាយនេះជាមួយនឹងទឹកក្តៅ និងរក្សាទុកនៅកន្លែងស្ងួតល្អ។

-    ការបញ្ចុះកំដៅក្នុងខ្លួន៖ ឪពុកម្តាយអាចប្រើឧបករណ៍ស្ទង់កំដៅឲ្យបានញឹកញាប់ និងប្រើម៉ាស់បិទបញ្ចុះកំដៅនៅពេលទារកឡើងកំដៅខុសធម្មតា។

-          មិនត្រូវឲ្យទារកប៉ះពាល់ទឹកត្រជាក់​ រឺត្រូវភ្លៀង៖ ការដែលទារកត្រូវត្រជាក់ រឺភ្លៀងធ្វើឲ្យ ទារកមិនជាពីជំងឺផ្តាសាយនេះទេ មេរោគផ្តាសាយកាន់តែមានកម្លាំងពេលនៅកន្លែង ត្រជាក់ និងសើម។ 

ការការពារជំងឺផ្តាសាយ

ជំងឺផ្តាសាយជាជំងឺងាយឆ្លងបំផុត ជាពិសេសនៅរដូវត្រជាក់ និងធ្លាក់ភ្លៀង ប៉ុន្តែយើងអាចកាត់ បន្ថយការឆ្លងនៃជំងឺនេះតាមរយៈ

-          ដាក់ក្មេងនៅឲ្យឆ្ងាយពីអ្នកកើតជំងឺផ្តាសាយ រឺពីហ្វូងមនុស្សច្រើន

-          លាងសម្អាតដៃរបស់អ្នកឲ្យបានស្អាតមុនពេលប៉ះពាល់ក្មេង

-          សម្អាតរបស់របរក្មេងលេង រឺសម្ភារៈប្រើប្រាស់ឲ្យបានជាប្រចាំជាមួយនឹងសាប៉ូ រឺទឹកក្តៅ

-          កន្លែងដែលក្មេងលេងគួរតែជាកន្លែងដែលស្អាត គ្មានការជក់បារី រឺខាកស្តោះ និងមានបរិយាកាសស្រឡះល្អ។

ប្រែសម្រួលពី WebMD Medical